Hoxe é Venres 23 de Outubro de 2020

Concentración no Centro de Saúde de Redondela en demanda dunha atención primaria de calidade

RR_Noticias

A protesta, convocada polo BNG, terá lugar este venres ás 11:00 horas baixo o lema “Por uns centros de saúde de calidade”. Unha mobilización coa que queren demandar que se dote de máis persoal á atención primaria. Temen que a situación sanitaria actual provocada polo Covid, con citas case exclusivamente telefónicas, sexa “un experimento da Xunta para eliminar a atención presencial e reducir persoal”.

Entendemos que a Xunta debe dotar de máis persoal os centros de saúde en xeral e o de Redondela en particular, explica o portavoz do BNG, Xoán Carlos González. Convocantes desta protesta, lembran dende a formación nacionalista que dos 14 médicos asignados ao centro de saúde de Redondela “as vacacións de tres non se cubriron o que supón unha sobrecarga de pacientes para os médicos que si están”. En canto aos pediatras son catro os asignados a este centro, dos cales un leva de baixa máis dun ano sen que fora substituído e outro está compartido con outros centros da bisbarra. Tamén é escasa a atención administrativa por mor “dunha carencia de persoal cronificada nos últimos anos e que se agudiza aínda máis nos meses de verán”.
Aseguran que non se trata dunha cuestión puntual “a atención primaria está sendo atacada pola Xunta a nivel xeral, e tememos que a atención vía telefónica que se está a realizar por mor do Covid sexa un adianto do que pode acontecer de cara ao futuro, de xeito que se reduza a atención presencial e tamén o número de sanitarios nos centros.
Decidiron convocar esta protesta ante as queixas que lles facían chegar os veciños, unha concentración que terá lugar este venres ás 11:00 e na que estará presente ademais do portavoz do BNG en Redondela a deputada Alexandra Fernández. Non descartan a creación dalgunha plataforma a nivel local para traballar a favor e defensa da sanidade. Entenden ademais que “se non hai presión na rúa non se mellora a atención sanitaria, polo que estamos traballando tamén nunha segunda concentración en Chapela”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *