Hoxe é Luns 30 de Novembro de 2020

Os escaparates de Redondela énchense de títeres coa exposición “Os monicreques de Kukas”

RR_Noticias

Os monicreques comezan a tomar as rúas da vila coa mostra de Kukas, que expón as súas mellores pezas nos escaparates de dez comercios locais. O Festival Internacional de Títeres, que comeza o 1 de setembro, pon á venda esta semana as últimas entradas para todos os espectáculos. Poden mercarse ata o venres, día 28, no Multiúsos da Xunqueira de 10.00 a 13.00 horas pata as funcións de sala e ata as 14.00 horas para as de rúa.

O XXI Festival Internacional de Títeres de Redondela “Memorial Juanjo Amoedo” comeza a encher as rúas de monicreques coa exposición “Os monicreques de Kukas”. Nesta edición marcada pola Covid-19 a tradicional mostra sae da sala da Xunquira para adornar os escaparates dos comercios da vila, que acollen unha escolma dos carteis, monicreques e elementos escenográficos desta histórica compañía galega. O percorrido polos 40 anos de traxectoria de Kukas poderá verse ata o vindeiro 7 de setembro nas cristaleiras de Prize, Barbería Juan Crespo, Fotografía & audiovisual Cal-3, Librería La Imprenta, Foot on Mars, Centroptica, Papelería Moliere, Disco-Tasca e Tien 21. Ademais, o escaparate de CopiCentro rende homenaxe aos titiriteiros viaxantes do mundo, cun teatriño no interior dunha maleta.
Última semana para adquirir entradas
O festival deste ano, marcado polas limitacións de aforo e medidas de seguridade que obriga a Covid-19, conta con venda de entradas só de xeito anticipado. A organziación advirte que será “imprescindible” acudir con entrada a calquera dos espectáculos do Festival, tanto os de sala como os de rúa, que xa levan máis dun 60% do aforo vendido. Piden tamén “responsabilidade” por parte do público, e “que só se despracen a Redondela aqueles espectadores que teñan entrada”. Advirten que “sen entrada non se poderá acceder a ningún recinto e dende fóra non será posible ver ningún espectáculo”.Os billetes para a programación de rúa, con artistas como Pakolas, Mamá Cabra, Mutis Teatro, Marionetas Trécola ou Mircromina Títeres, poderanse adquirir no Multiúsos da Xunqueira ata este venres, de 10.00 a 14.00 horas cun prezo simbólico de 1 euro. As de sala estarán á venda tamén ata o venres no Multiúsos, na billeteira instalada xunto á Pista da Xunqueira, cun prezo único de 5 euros, de 10.00 a 13.00 horas. Durante a semana do Festival, do 1 ao 6 de setembro, e para evitar aglomeracións, non haberá venda de entradas. O programa de man e libreto só está dispoñible en formato dixital, tanto na páxina www.fitredondela.com como nos taboleiros repartidos pola vila ou descargándoo cos códigos QR.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *