Hoxe é Xoves 28 de Marzo de 2024
Stations
NOTHING FOUND!
Current listeners: 
Peak listeners: 

O remo redondelán queda sen regatas polas restriccións da Covid-19 en Perillo

RR_Noticias

Suspendidas as regatas de Perillo e Mera polas restricións da Xunta na comarca coruñesa polo coronavirus. Por mor dos gromos na área sanitaria a norma prohibe participar a máis de dez remeiros nunha traiñeira de forma simultánea. O C.R. Cesantes, da LGT-B, e o C.R. Chapela, da mesma liga e tamén con barco feminino, quedaron sen regatas esta fin de semana.

Tras horas de interpretación da orde publicada no DOG sobre as restricións na comarca coruñesa polo avance da Covid-19, finalmente a liga Galega de Traiñeiras anunciou a suspensión de tres das regatas previstas para esta pasada fin de semana: en Perillo a bandeira da liga B, na que compiten Cesantes e Chapela, e a feminina, na que militan as de Arealonga, e tamén a da LGT-A que debería celebrarse en Mera. Desde a liga explican que a decisión se toma tras consultar á Secretaría Xeral para o Deporte, xa que para a celebración de actividades deportivas estableceuse que non poden participar máis de dez deportistas de forma simultánea, a excepción de que se poida garantir “a non interrelación de cada grupo de dez”. No caso de embarcacións, “non máis de dez deportistas por embarcación” o que fai imposible as regatas de traiñeiras, que contan con 12 tripulantes máis o patrón. O presidente do organismo, Javier Rodríguez, explicou que agora estudarán cos clubs afectados e o resto das entidades que forman parte da competición posibles solucións como buscar algunha data alternativa ou outro punto onde poder celebrar as bandeiras suspendidas.

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará