Hoxe é Xoves 29 de Outubro de 2020

As Bibliotecas Municipais de Redondela e Chapela abren desde hoxe todos os servizos

RR_Noticias

Con limitación do aforo e uso obrigatorio de máscaras nos espazos comúns, desde hoxe luns as bibliotecas municipais recuperan toda a súa actividade. Os postos de lectura están sinalizados para garantir a distancia mínima de seguridade, tanto na sala de adultos como na infantil e xuvenil.

As bibliotecas de Redondela e Chapela reactivan desde hoxe luns todos os servizos suspendidos, unha vez superada a fase III do Plan para a transición cara a unha nova normalidade. Como medida de seguridade limítase a capacidade das salas de lectura para garantir a distancia de seguridade. Só se poden utilizar os postos sinalizados e habilitados cunha cadeira, e non está permido movelos. É obrigatorio o uso da máscara tanto para acceder á biblioteca como para circular polos espazos comúns nos que non se pode garantir a distancia de seguridade. Non é necesaria cando se estea sentado no posto de lectura, xa que estes xa manteñen a distancia de seguridade. Tamén se permite xa o acceso aos andeis da colección, pero será necesario manter posta a máscara en todo momento. Ademais deberanse desinfectar as mans antes de manipular os documentos. Durante a lectura da prensa e revistas debe manterse posta a máscara en todo momento, e tamén desinfectar as mans antes do seu uso. Para contribuir a unha maior hixiene no momento da lectura, o persoal das bibliotecas facilitará dedís aos usuarios.
Sala infantil e xuvenil
Na sala infantil o funcionamento será o mesmo, só se poderán utilizar os postos sinalizados e habilitados cunha cadeira, e non se poden mover. Cada mesa poderá ser empregada por unha soa persoa ou por varias se conviven no mesmo fogar. Os nenos menores de 6 anos non teñen a obriga de empregar a máscara, pero deben estar sempre acompañados por un adulto que se responsabilice do cumprimento das normas de hixiene. Os maiores de 6 anos si están obrigados a levala, tanto para acceder á biblioteca como para circular polos espazos comúns. Poderán sacala cando estean sentados nos postos de lectura, porque xa manteñen a distancia de seguridade. O traballo en grupo na biblioteca non está permitido.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *