Hoxe é Venres 30 de Outubro de 2020

Gloria Argones: “Hai que volver á normalidade pero con cautela, a min dácheme respecto saír da casa”

RR_Noticias

Logo de varios meses confinados son moitos os que están tendo que enfrontarse aos seus temores á hora de volver a unha relativa normalidade. O contacto con outras persoas, o risco a se contaxiar, o medo a enfermar é algo habitual que tamén sente esta usuaria da Cruz Vermella de Redondela quen asegura que, malia que xa sae a dar os seus paseos, faino con receo “teño amigas que aínda nin se atreveron a saír”.

Estar todo o día na casa fíxoselle custa arriba, pero o retorno a normalidade tamén está a ter os seus máis e os seus menos. “Isto ainda non pasou, non temos vacina, e malia que hai que volver a normalidade hai que facelo con moita cautela”. Ese é o sentir de Gloria Argones quen tenta tamén tirar de humor para describir a situación pola que pasamos “xa non sei nin andar de tanto estar metida na casa”. Vai retomando a súa vida con pequenos paseos pero sen esquecer o que pasou e sendo consciente de que “isto aínda non acabou”.
Lembra con pesar as noticias que falaban de milleiros de persoas falecidas “sobre todo, aflixíame o que estaba a pasar cos maiores nas residencias que se foron sos, sen ver a súa familia”.
Unha dor que ela coñece ben porque tampouco puido facer o loito por un irmán que morreu por coronavirus en Vitoria, cidade na que residía.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *