Hoxe é Domingo 29 de Novembro de 2020

O Círculo de Chapela pon en marcha un campamento náutico para a conciliación familiar

RR_Noticias

O Círculo Cultural e Recreativo de Chapela retoma as súas actividades coa convocatoria dun campamento que busca facilitar a conciliación laboral e familiar pero tamén ofertar aos nenos e nenas da parroquia actividades diversas. Actividades que se desenvolverán nos meses de xullo e agosto e que inclúe un programa cheo de deportes náuticos. Windsurf, vela, kaiak, paddle surf ou banana, son algunhas das propostas que inclúe este programa que arranca o día 1 de xullo. As inscricións pódense facer no 986 451556 ou na sede do Círculo.

As actividades, orientadas a nenos e nenas de entre 6 e 15 anos desenvólvense en horario de mañá de 9:00 a 14:00 horas, un horario pensado para que pais e nais poidan conciliar vida laboral e familiar e para que os nenos conten cun espazo no que gozar de actividades lúdicas e deportivas. De feito, pódese contratar a maiores tanto o servizo de comedor como o plan madruga. O Círculo Cultural oferta o servizo durante dous meses podéndose contratar días soltos ou semanas concretas dependendo das necesidades dos asistentes e o único requisito para participar e saber nadar.
Os prezos van dende os 160 euros que custa o mes enteiro, 105 euros unha quincena ou os 65 euros que terán que abonar os que se acheguen ao campamento unha semana. Algo máis económico é o prezo para os socios da entidade, aos que se lle aplicarán diferentes rebaixas nas cotas. Hai incluso a posibilidade de achegarse días soltos por un prezo diario de 13 euros.
As persoas interesadas poden informarse no teléfono 986 451556 ou na páxina do Círculo Recreativo.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *