Hoxe é Venres 30 de Outubro de 2020

Nosatun Pesca doa 9.600 latas de atún para o seu reparto en Redondela

RR_Noticias

O Concello de Redondela vén de recibir unha doazón por parte da empresa Nosatun Pesca S.L, radicada no noso municipio. Unha entrega desinteresada que é recibida con agradecemento por parte da administración local xa que se trata dun produto que será posteriormente distribuído entre aqueles que o necesiten.

Unha acción “solidaria e altruista” desta empresa que entregou a través do seu director-xerente David García un total de 9.600 latas de conserva de atún. Un xesto que “amosa a súa preocupación ante unha posible situación de precariedade pola que puideran estar a pasar familias da nosa vila a consecuencia da nova realidade social derivada da crise sanitaria internacional polo COVID-19” segundo explican dende o Concello.
Especialmente agradecidos amósanse dende a Concellería de Servizos Sociais que lembran “as administracións públicas deben ofrecer e garantir á cidadanía uns servizos esenciais axeitados as súas demandas a través dun sistema público de servizos sociais traballando sempre en rede e en colaboración con todas aquelas entidades de iniciativa social que, como acontece no Concello de Redondela, contribúen a dar cobertura ás necesidades fundamentais de moitas persoas”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *