O BNG de Pazos de Borbén solicita ao concello que se entreguen máscaras a toda a veciñanza.A formación nacionalista pide que se aplique esta medida nun dos concellos que presenta unha poboación cunha gran porcentaxe de veciños que superan os 65 anos. Por ese motivo entenden que máis aló do lavado de mans é especialmente importante que se distribúa entre a poboación máscaras de protección contra o coronavirus e que se coloquen dispensadores de xel desinfectantes nos puntos máis concorridos do municipio.
Explican dende o BNG que dende a administración comezouse o reparto de máscaras o luns nos grande centro de traballo das urbes, mais non en pequenas vilas como Pazos. Engaden que a escaseza de material hixiénico é tal que non se venden nas farmacias nin máscaras nin xel desinfectante.
Por estes motivos, solicitan en primeiro lugar a instalación por parte do concello de dispensadores de xel desinfectante nos puntos máis concorridos do concello, como por exemplo a casa do Concello, o Centro de Saúde, o supermercado e a farmacia.
Por outra banda, solicitan a entrega de máscaras entre as veciñas e veciños de Pazos de Borbén, igual que xa se está a facer noutros concellos da Comarca.
Estas máscaras deberán ser entregadas porta a porta para mitigar a posible propagación do virus. Esta entrega de balde priorizará a poboación de alto risco, chegando a tódalas casa sen discriminación. Entenden que o Concello, como administración máis próxima á veciñanza e quen debe tomar as medidas axeitadas para a saúde da súa poboación.
