Hoxe é Mércores 2 de Decembro de 2020

A Biblioteca de Chapela celebra o seu 15 aniversario coas portas pechadas

RR_Noticias

A pandemia non permite celebrar esta data tan especial nas instalación da biblioteca no Multiúsos do Piñeiral. Por este motivo, as celebracións trasládanse ás redes sociais, cunha felicitación moi especial a cargo da docente e narradora de historias Ana Facchini, mestra de cerimonias deste aniversario quen o celebra como mellor sabe: contándonos un conto. Iso si, co compromiso de facer tamén unha celebración presencial cando a situación o permita.

O 14 de Abril do ano 2005 abría as súas portas a Biblioteca de Chapela, un espazo no Multiúsos do Piñeiral equipado con oito ordenadores e máis de 3000 libros e publicacións. No 2015 e co gallo do seu décimo aniversario, esta biblioteca con Mª José Villar ao fronte, facía unha gran celebración na que participaban os diferentes colectivos sociais e culturais da parroquia. Nesta ocasión as celebracións son de portas para dentro por mor do confinamento. Con todo, non queren deixar de lembrar unha data tan significativa no seu calendario e convidan aos seus usuarios a achegarse ás redes sociais e escoitar o conto dedica do Ana Facchini. Unha biblioteca que dende o ano pasado recibe o nome de Xela Arias.  

Mª Elena Becerra Bibliotecas Redondela
Lembra o aniversario da biblioteca de Chapela

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *