Hoxe é Martes 20 de Outubro de 2020

Rivas esixe facer a proba do COVID19 a todos os traballadores e residentes do CAPD de Chapela

RR_Noticias

A alcaldesa de Redondela, Digna Rivas, está en contacto coa direción do centro de atención a persoas con discapacidade (CAPD) de Chapela, desde que se confirmou o positivo por coronavirus dun residente. O Concello demanda á Xunta de Galicia a desinfección urxente das instalacións e que se fagan as probas do COVID19 a todos os residentes e traballadores do centro.

Rivas, que están en contacto tanto coa dirección do centro, como coas familias dos residentes, xa trasladou aos responsables da Xunta de Galicia a preocupación por parte do goberno local ante esta situación. A alcaldesa mantivo unha conversa con Ildefonso de la Campa, Director Xeral de Maiores e Persoas con Discapacidade, responsable desta área. Comunicouse ao Concello que se puxeron en marcha as medidas pertinentes, e realizáronselle as probas a varios traballadores do centro. Desde o goberno local van máis aló, e demandan que os test do COVID19 se fagan “a todos os residentes do centro e a todos os traballadores”, e non só aos que presentes síntomas. Para Rivas é tamén fundamental que se faga unha desinfección de todo o CAPD de Chapela, tanto as intalacións interiores como exteriores “de maneira urxente”. Lembra a alcaldesa que existen casos de residencias onde o contaxio se propagou, afectando a moitos usuarios e traballadores, e quere evitar que algo así aconteza en Chapela, polo que insta á Xunta de Galicia a actuar “xa. O BNG denuncia que a situación “agrávase co paso das horas” O BNG de Redondela denuncia que a situación deste centro “estase agravando co paso das horas”. Hai un usuario diagnosticado de COVID-19, e outros 5 illados. Entre o personal do centro, tanto asistencial como sanitario aumentou o número de baixas. Esta situación complícase, posto que personal da bolsa de sustitucións “négase a cubrir baixas polo temor ao contaxio”. Isto supón que moitos traballadores e traballadoras teñan que dobrar turnos. O voceiro municipal, Xoán Carlos González, amosou a súa solidariedade cos residentes e as súas familias, así como co personal “que está demostrando o mellor da atención pública”.

Digna Rivas alcaldesa de Redondela
O Concello demanda á Xunta de Galicia a desinfección urxente das instalacións e que se fagan as probas do COVID19 a todos os residentes e traballadores do centro.
Medidas urxentes
Desde o goberno local instan á Xunta a actuar de maneira urxente para evitar a propagación do contaxio.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *