Hoxe é Mércores 2 de Decembro de 2020

O Enterro do Berete aprázase ao sábado día 7 polo mal tempo

RR_Noticias

O concello decidiu suspender os actos programados para a tarde do sábado en Chapela ante as previsións que falan de risco de chuvias durante todo o día. A programación, que  incluía o desfile de comparsas dende o alto da Encarnación para rematar na praia de Arealonga, o espectáculo Vatra e queima do berete así como o posterior concerto a cargo das Broken Peach pasará a celebrarse na tarde do sábado 7 de marzo. Tamén a programación polo Día de Rosalía suspéndese e celebrarase na tarde do venres 6.

Un tempo de entroido que permitiu ata o de agora a celebración de todas as actividades previstas. Sol para o desfile de comparsas do pasado domingo, inestabilidade o martes que puxo en risco nalgún momento a queima do meco, e finalmente mal tempo para mañá sábado. Chega a borrasca Jorge que parece vai deixar precipitacións durante todo o día o que levou ao concello a adoptar este decisión de adiar os actos programados en Chapela.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *