Hoxe é Venres 27 de Novembro de 2020

Redondela celebra esta tarde o enterro da casa de apostas

RR_Noticias

Malia que dende hai anos Redondela non celebra o enterro da sardiña, este mércores o centro da vila recupera esa tradición aínda que dándolle un marcado carácter reivindicativo. Así, o mércores de cinza é a xornada elixida pola Coordinadora contra a casa de apostas para celebrar o enterro deste negocio que se quere abrir na rúa Ernestina Otero.  Esta  celebración será na Alameda Castelao ás 19:00 horas.

O evento consistirá nun acompañamento á difuntiña casa de apostas pola Alameda de Redondela para continuar cun enterro e celebración posterior que consistirá en convidar a chocolate quente ás persoas asistentes.
A organización anima a toda a veciñanza a participar deste evento de carácter festivo-reivindicativo contra a apertura da casa de apostas. Lembran que con data 9 de abril de 2019  a Xunta de Galicia autorizou a instalación dunha casa de apostas na rúa Ernestina Otero, unha autorización que ten unha validez dun ano, polo que o vindeiro 9 de abril vencerá o prazo para que este negocio se instale na vila. Por este motivo, a coordinadora contra a casa de apostas quere neste Entroido celebrar un enterro da ruleta para emular o que desexan que suceda a partir do 9 de abril.
A idea desta celebración reivindicativa é compartida noutros lados de  Galicia, tanto é  así que outras coordinadoras como a de A Coruña celebrarán tamén o seu enterro da casa de apostas, o mesmo mércores.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *