Hoxe é Venres 4 de Decembro de 2020

Un convenio entre Redondela e Vigo permitirá mellorar a atención ás emerxencias no Concello

RR_Noticias

A reunión mantida este mércores entre a alcaldesa Digna Rivas e o alcalde vigués, Abel Caballero, serviu para avanzar en cuestións tales como a futura senda peonil sobre as vías do tren actualmente en desuso entre Chapela e a estación de Urzaiz así como abordar accións conxuntas para promover o uso da Senda da Auga. Outros dos puntos sobre a mesa é a posibilidade de asinar un acordo de cooperación para que os Bombeiros de Vigo atendan as incidencias que se produzan no termo municipal de Redondela.

As sendas verdes de Vigo e Redondela terán unha transición coordinada. A transformación das antigas vías de tren nun espazo verde para que a xente camiñe, corra ou faga ciclismo foi un dos principais temas da reunión que mantiveron Abel Caballero e Digna Rivas no Concello vigués este mércores. O obxectivo é facer unha senda verde na que non haxa ningunha ruptura. “Estamos acabando o proxecto que busca transformar o antigo trazado do ferrocarril ao seu paso por Chapela nunha ruta peonil e ciclista ata Vigo” explica Rivas, quen preferiu non adiantar datas nin detalles sobre un proxecto que asegura está “practicamente rematado e en breve daremos a coñecer”. Engade que na reunión de onte concretaron a necesidade de que haxa unha continuidade entre o tramo que discorrerá polo municipio de Redondela e o que atravesará Vigo. Tamén se abordou a necesidade de promover unha utilización conxunta da Senda da Auga “malia que é propiedade exclusiva de Vigo, é un espazo moi importante para os veciños de Redondela e queremos mellorar e incrementar o seu uso”. Con todo, un dos temas que a alcaldesa entende máis importantes dos abordados onte é a posibilidade de asinar un convenio de cooperación das emerxencias cos Bombeiros de Vigo. “Levamos 8 anos sen unha atención axeitada das emerxencias, non contamos cun servizo propio polo que entendemos que asinar un convenio cos Bombeiros de Vigo, que se atopan a tres minutos do noso termo municipal, facilitará ter garantido o servizo”. Unha primeira xuntanza entre Digna Rivas e o seu homólogo en Vigo que é “un primeiro contacto para afondar na imprescindible colaboración que debe existir entre dous concellos limítrofes”.  

Digna Rivas alcaldesa
Un covenio permitirá mellorar a atención ás emerxencias
Vía Verde
Garantir a continuidade da senda entre Vigo e Redondela
Senda da auga
Traballar para mellorar este sendeiro tan empregado polos veciños

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *