Hoxe é Xoves 21 de Xaneiro de 2021

Susto en Chapela ao atravesar un raio unha vivenda de Cidadelle e provocar un incendio

RR_Noticias

A borrasca que afectou na xornada de onte a toda a comunidade deixou tamén múltiples incidencias no noso concello, con balsas de auga, arquetas levantadas e baixos anegados en diferentes puntos do municipio. Con todo, o maior susto levárono en Chapela cando unha casa do barrio de Cidadelle sufría un incendio polo impacto dun raio. O incendio foi sufocado polos bombeiros de Vigo e unha persoa tivo que ser atendida por inhalación de fume.

O suceso producíase ao redor das 17:30 horas de onte nunha xornada na que a treboada deixaba fortes refachos de vento e precipitacións intensas, con trombas de auga que nalgúns momentos da tarde provocaban bolsas de auga nas estrada e inundacións en diferentes puntos. Neste caso era un raio o que atravesaba unha vivenda do barrio de Cidadelle logo de impactar contra un poste do tendido eléctrico. Como consecuencia producíanse diferentes danos materiais e un pequenos incendio sufocado polos bombeiros de Vigo. Unha descarga que afectaba principalmente ao cadro eléctrico do inmoble.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *