Hoxe é Martes 24 de Novembro de 2020

Música, teatro e humor na programación cultural da fin de semana

RR_Noticias

A Asociación Cultural de Chapela proponnos asistir ao Ciclo de teatro afeccionado que este sábado programa a obra Con Vivir (Multiúsos de Chapela 20:30 horas). En Redondela temos música con Talabarte (Mutiúsos da Xunqueira, sábado 20:00 horas) e humor co cómico vigués Miguel Lago que presenta o seu espectáculo Poñer Orde o domingo tamén no Multiúsos.

A obra “Con vivir” do grupo Expresión Teatro da Sociedade Cultural os Carballiños é a proposta que nos deixa esta fin de semana o VIII Ciclo de tratro afeccionado de Chapela. Un espectáculo en clave de comedia orientado ao público adulto que recolle diferentes sckets para falar das relaciones sociais en ámbitos diversos: familiar, laboral, sentimental, pero sempre con humor. Será o sábado ás 20:30 horas con entrada de balde ata completar o aforo.
Tamén o sábado pero no Multiúsos da Xunqueira temos a oportunidade de asistir ao concerto de Talabarte. Quin Farinha ao violín, Kin García no contrabaixo e Pedro Pascual no acordeón diatónico propóñennos unha viaxe musical acústica, de raíz e na que non faltará a improvisación. Un concerto enmarcado no ciclo de música folk que organiza a Concellería de Cultural e cuxa entrada ten un custe de 3 euros.
O humor de Miguel Lago será o encargado de pechar a fin de semana con dúas funcións o domingo no Multiúsos, ás 18:00 e ás 20:00 horas. “Pone orden” é o título deste espectáculos que ten un custe de 12,50 euros en venta anticipada, 14 euros na billeteira.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *