Hoxe é Mércores 25 de Novembro de 2020

O equipo redondelán Gios Kiwi Atlántico comeza a temporada coa Challenge Mallorca

RR_Noticias

O club que dirixe Enrique Salgueiro comezará o ano nas illas Baleares, onde esperan facer “un bo papel e ser competitivos”. A formación de categoría Continental, con base en Redondela, ten esta temporada licencia de Venezuela, unha mostra máis da “globalización” deste deporte.

Salgueiro amósase moi satisfeito coa situación actual do club, e afronta o novo ano “como un reto e unha gran oportunidade para seguir traballando a bo nivel”. Para o técnico redondelán manter un equipo profesional “é todo un privilexio e unha oportunidade para os corredores galegos” xa que non existe outro equipo destas características na comunidade. O club redondelán, que conta cunha escola de ciclismo e un equipo sub23, completa así a súa oferta. Comezan o ano coa Challenge de Mallorca, que se compón de catro trofeos desde o xoves 30 de xaneiro até o domingo 2 de febreiro. Será a primeira proba da campaña en España para o equipo e nela xa compartirá un pelotón con equipos World Tour: Movistar Team, Bora Hansgrohe, Lotto Soudal, Trek-Segafredo e Israel Cycling Academy. Unha competición de alto nivel na que os ciclistas de Enrique Salgueiro tentarán mostrar a súa camisola “o máximo posible” entre as primeiras posicións. O equipo está encabezado por Jose Manuel Gutiérrez “Gallu”, o máis experimentado do grupo, que xunto con David Galarreta e Fernando Lópes completan os corredores que seguen un ano máis no equipo. Súmanse Miguel A. Fernández e o vigués Xoel Días. Outra das novas incorporacións é o santiagués Alejandro Regueiro, de 22 anos, con experiencia internacional. Desde Venezuela chegan novas promesas, o Campión Nacional Jesús Villegas, de 22 anos, Franklin Chacón e Yurgen Ramírez, de 21 anos. Outro internacional é Andreas Miltiadis, Chipriota, dobre Campión Nacional en 2019.

Enrique Salgueiro director
Para o técnico redondelán contar cun equipo profesional en categoría Continental é "un privilexio".
Licencia venezonala
A formación de Redondela ten esta temporada licencia de Venezuela unha mostra máis da "globalización" deste deporte.
Challenge Mallorca
Comezan o ano en Mallorca onde tentarán mostrar a súa camisola "o máximo posible" entre as primeiras posicións.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *