Hoxe é Martes 24 de Novembro de 2020

O Concello lembra a prohibición de acceder ao paseo do Maceiras e pide “prudencia” aos veciños

RR_Noticias

A Concellaría de Medio Ambiente pechaba este paseo aos peóns logo das chuvias torrenciais acaecidas o pasado mércores 18. A situación empeoraba esta fin de semana con tramos en moi mal estado, buracos, árbores que ameazan con caer e o firme nun estado que desaconsella o seu uso. Con todo, hai veciños que fan caso omiso da prohibición e seguen a percorrer o paseo, polo que dende o Concello fan un chamamento á prudencia e á responsabilidade de cara a evitar riscos innecesarios.

Dende a Concellería insisten en que durante as vindeiras xornadas o paseo estará fóra de uso para garantir a integridade dos veciños xa que a senda atópase intransitable. A totalidade do camiño seguirá pechado ata que se poidan acometer as obras de acondicionamento máis urxentes “que non serán antes do inicio de ano” segundo explicaba o concelleiro de Medio Ambiente, Roberto Villar. Unha senda moi empregada polos cidadáns que a pesar das chuvias seguen achegándose á beira do río malia as advertencias de perigo ubicados nos seus accesos logo de que a crecida do río afectara notablemente ao firme. Unha senda que se atopa a día de hoxe moi deteriorada, con buracos de importantes dimensións, tramos que amezan con se derrubar e árbores parcialmente caídos.  

Roberto Villar edil Medio Ambiente
Pide prudencia aos veciños e que eviten pasar por unha senda actualmente intransitable

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *