Hoxe é Martes 26 de Xaneiro de 2021

O BNG denuncia a intención de Aucosa de construír unha nova factoría de aceite no litoral de Cabanas

RR_Noticias

Os nacionalistas veñen de presentar unha alegación ante a Autoridade Portuaria de Vigo co fin de deter a proposta de Auxiliar Conservera, AUCOSA,  para ampliar o seu proxecto industrial na beiramar do barrio de Cabanas na parroquia de Trasmañó. Segundo o BNG esta empresa presentou unha solicitude de concesión administrativa na zona de servizo do Porto de Vigo, na que se pretende a construción dunha nova factoría duns 1.500m2 para a elaboración de aceite para consumo humano, a partir de sobrantes do peixe.

“Na solicitude de renovación de concesión administrativa á Autoridade Portuaria, agóchase levantar unha factoría de 1.500m2 en terreos xa gañados ao mar” explica o voceiro do Bloque, Xoán Carlos González, “e sospeitamos que López Veiga permitirá esta nova agresión, para aumentar os ingresos disfrazando a súa mala xestión”.
Segundo o edil “volvemos atoparnos cunha industria altamente contaminante, que pretende ampliar a súa produción en plena Rede Natura”. Seguen defendendo os e as nacionalistas a PLISAN como o mellor espazo para a ubicación da empresa “por tratarse dunha actividade que nada te que ver coa tráfico marítimo, ademais de que pretendemos recuperar os terreos gañados ao mar hai xa décadas”.
Relata o edil do BNG que a presentación da alegación nace do estudio ao que someteron o Proxecto, que “unicamente se puido revisar na sede da Autoridade Portuaria, desvelando que o que se agocha é a construción dunha nova factoría que e engadiría ás que xa dispón a propia AUCOSA, neste emprazamento”.
Tamén se teñen dirixido por escrito dende o grupo municipal nacionalista, ao goberno redondelán para saber se presentaron algún tipo de alegación a este proxecto industrial na beiramar do Concello. “Hai xa varias semanas que solicitamos esta información ao equipo de Digna Rivas e aínda non recibimos ningún tipo de resposta”.
Nun encontro con veciños afectados da zoa de Rande e Cabanas, o BNG presentoulles esta e outras iniciativas para traballar na recuperación integral do Estreito de Rande, unha vez que o Porto de Vigo dispón de terreos industriais na PLISAN.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *