Hoxe é Sábado 24 de Outubro de 2020

David García: “Se sumamos sete puntos no que queda da primeira volta sería un bo resultado”

RR_Noticias

O adestrador do Chapela C.F., que ocupa o 5º posto na Terceira Galega, amósase satisfeito co rendemento do equipo e o compromiso dos xogadores, malia que o equipo estivo lastrado polas biaxas nas últimas xornadas. Confía en recuperar xogadores no final desta primeira volta e escalar posicións na táboa.

Logo de 13 xornadas disputadas, o equipo suma 7 vitorias, 4 empates e 2 derrotas. Manteñen a mesma liña de xogo marcada a comezos de temporada, un fútbol con posesión do balón coa defensa moi adiantada. O estilo marcado por García levounos a ser o equipos menos goleado do grupo, pero varias baixas de xogadores de ataque prexudicounos na faceta anotadora. As ausencias de ata cinco xogadores, varias por lesións, obrigou ao adestrador a completar a última convocatoria con catro futbolistas do xuvenil. García amosouse “moi satisfeito” polo rendemento e compromiso de todos os xogadores, e confía en poder recuperar aos lesionados no final desta primeira volta. Na pasada xornada empataron no campo do Peñasco, nun encontro sen goles. Chapela-Vigo 2015 Este domingo reciben en Chapela ao Vigo 2015, situado na metade baixa da táboa. Pero García advirte que “non hai que confiarse pola situación clasificatoria do rival”. Sinala o técnico que o Peñasco chega a Chapela “sin nada que perder” e toda a presión está no equipo local, obrigado a sumar para acadar o obxectivo do ascenso. O do domingo será o primeiro dos tres partidos que restan para rematar a primeira volta, e o técnico márcase como obxectivo sumar 7 puntos “para acabar ben esta metade do campionato”. O ano pasado o equipo quedou ás portas de dar o salto de categoría, ao quedar eliminado na fase de ascenso. O técnico confía en que este ano se consiga o obxectivo.

David García adestrador
Amósase satisfeito co rendemento e o compromiso dos xogadores malia que o equipo estivo lastrado polas biaxas nas últimas xornadas.
Chapela-Vigo 2015
O rival está situado na metade baixa da táboa pero García advirte que "non hai que confiarse"
Primeira volta
O técnico márcase como obxectivo sumar 7 puntos nos tres partidos que quedan "para acabar ben esta metade do campionato".

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *