Hoxe é Xoves 13 de Xuño de 2024
Stations
NOTHING FOUND!
Current listeners: 
Peak listeners: 

A música folk soa en Redondela co Coro Tradicional “Cantares do Brión” e o grupo Arxe

RR_Noticias

O ciclo de música folk que organiza a Concellería de Cultura déixanos esta fin de semana dous concertos para gozar da nosa música. O auditorio da Xunqueira acollerá o sábado ás 20:00 horas a actuación do coro Cantares do Brión. En Chapela a cita será tamén o sábado a mesma hora no Multiúsos do Piñeiral co espectáculo de Arxe. A entrada é de balde.

Integrado por 60 persoas, o Coro tradicional Cantares do Brión chega este sábado ao Multiúsos da Xunqueira de Redondela para amosar o seu espectáculo de gran formato. O grupo constituíuse formalmente en marzo de 2010 co obxecto de interpretar, divulgar e restituír a música coral tradicional galega con acompañamento instrumental, con atención especial e uso habitual do idioma galego e a divulgación do traxe tradicional.
Pola súa banda, o espectáculo que ofrece el Grupo Arxe achega ao espectador a música galega de raíz remontándose un século atrás. Música da que gozaron varias xeracións anteriores con estilos diversos como as foliadas, rumbas ou pasodobres que buscan poñer ao público a bailar e cantar.
Músicos que teñen participados de grupos diversos e que se xuntan neste proxecto no que a música popular de raíz é a principal protagonista.
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará