Hoxe é Mércores 21 de Outubro de 2020

A Coordinadora contra a casa de apostas lembra que “esta lacra é un problema de todos”

RR_Noticias

Nova concentración este luns diante do local no que se proxecta abrir una casa de apostas en Redondela. Nais, pais e veciños puxeron de manifesto o seu rexeitamento a apertura deste tipo de instalacións ao carón de varios centros educativos, conservatorio e instalacións deportivas e advirten dos perigos que supón para os máis novos. Unha concentración á que asistía a alcaldesa de Redondela, Digna Rivas, quen manifestaba o rexeitamento do goberno a este tipo de negocios e reiteraba que dende o Concello “xa se fixo todo o que administrativamente era posible tendo en conta que a competencia é da Xunta de Galicia”.

“O xogo destroza vidas e familias e é a terceira causa de suicidio en España”. Advertencia que facía este luns a Coordinadora contra a casa de apostas, que fixo un chamamento a toda a veciñanza a unirse ás manifestacións que convocan todos os luns ás seis da tarde, porque este é “un problema de todos”. Instan ao goberno local a que faga un posicionamento institucional en contra da casa de apostas e a todos os partidos políticos con representación municipal e pídenlle á Xunta que paralice a súa apertura como fixo en Ribadeo, ademais de modificar a lei para que non se poidan instalar este tipo de negocios a menos de oitocentos metros dos centros educativos.  

Coordinadora contra a casa de apostas
Advirten das consecuencias que ten este tipo de negocios
Captar aos máis novos
Alertan que a súa localización é intencionada para captar como clientes aos rapaces
Reivindicacións ANPAS
Posicionamento rotunto do goberno e os partidos da oposición e paralización da apertura por parte da Xunta
Alcaldesa Digna Rivas
Rivas reitera o rexeitamento do goberno a esta instalación é asegura que fixeron todo o que está nas súas mans para paralizar a apertura

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *