Hoxe é Sábado 31 de Outubro de 2020

Os últimos asasinatos constatan a necesidade de declarar a “emerxencia feminista”

RR_Noticias

Ducias de veciños e veciñas sumáronse na tarde de onte á concentración convocada polo Colectivo Feminista Paxaretas en repulsa polo triplo asasinato de Valga ao que se sumaba, horas despois, unha nova vítima da violencia machista en Madrid. Unha concentración en lembranza das asasinadas e na que se escoitaron tamén reivindicacións porque “é preciso actuar deforma contundente para poñer freo a violencia de xénero”. As mobilizacións continuarán mañá venres cunha protesta nocturna que se celebrará conxuntamente en varias cidades e que en Vigo terá lugar ás 21:00 horas na praza da Pedra.

“Estamos ante unha emerxencia feminista que non se afronta con minutos de silencio, precisamos unhas institucións competentes e reactivas” así o recolleron no seu manifesto as integrantes de Paxaretas que unha vez máis volveron saír a rúa, xunto con ducias de veciños e veciñas, para berrar contra a violencia machista que nas últimas xornadas se cobrou a vida de 4 mulleres “en Valga foron Sandra, Alba e Elena quen perdían a vida logo de seren disparadas por José Luis Abet e tan só 24 horas despois outra muller era asasinada en Madrid, unhas mortes que chegan logo dun verán cheo de asasinatos e delitos machistas o que nos leva a declarar a “emerxencia feminista” e esixir o fin das violencias de xénero e a implicación das institución e o Estado nesta loita. As protestas non se paran aquí, mañá mesmo hai convocada unha mobilización nocturna que iluminará de violeta ducias de cidades para reclamar medidas contra a violencia de xénero. Dende Paxaretas animan á cidadanía a acudir á marcha que en Vigo sairá ás 21:00 horas do venres dende a praza da Pedra.  

Emerxencia feminista
Un verán cheo de delitos machistas
Actúar contra a violencia machista
Non queremos máis minutos de silenzo
Manifestación nocturna
O venres en Vigo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *