Hoxe é Mércores 17 de Agosto de 2022
Stations
NOTHING FOUND!
Current listeners: 
Peak listeners: 

Julio Alonso entra a formar parte da dirección da Escola de música de Chapela

RR_Noticias

O que fora concelleiro de Cultura, Julio Alonso pasará a exercer a xefatura de estudo na dirección da Escola de Música de Chapela. Salientan dende este centro musical a súa “ampla experiencia profesional no eido educativo sendo actualmente profesor do departamento de musicoloxía do Conservatorio Superior de Música de Vigo” así como a súa vinculación a este proxecto que apoiou dende os seus inicios.

Alonso é unha das persoas que apoiou o proxecto que a Escola de Música de Chapela presentou hai 9 anos a Javier Bas, ao pouco tempo de ser nomeado Alcalde de Redondela. Proxecto que se puxo en marcha 2 anos despois, cunhas novas instalacións, a incorporación de novo profesorado e o aumento considerable do alumnado ata chegar a multiplicarse por 5.
Todas estas iniciativas foron seguidas de cerca por Julio Alonso desde os seus inicios, ofrecendo o seu asesoramento sempre de forma altruísta e sen compensación económica.
A partires do próximo curso esta colaboración será aínda máis intensa, achegando a súa ampla experiencia profesional no eido educativo, pois ten exercido como docente en practicamente todos os niveis do seu sistema: Educación Infantil, Primaria, Secundaria, Escolas de Música, Conservatorios e Universidade. Na actualidade, é profesor do departamento de Musicoloxía do Conservatorio Superior de Música de Vigo. Esta actividade a compatibiliza coa docencia no ámbito universitario, como profesor do departamento de Didácticas especiais da Universidade de Vigo.
Desde a Escola de Música de Chapela agradecen a Julio Alonso ter aceptado pasar a formar parte da dirección do centro de forma desinteresada.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará