Hoxe é Martes 16 de Agosto de 2022
Stations
NOTHING FOUND!
Current listeners: 
Peak listeners: 

O BNG convoca unha mobilización en defensa da sanidade en Soutomaior

RR_Noticias

Malia que nas últimas horas o centro de saúde de Romariz tería recuperado a normalidade, logo de ser pechado o pasado 27 de agosto tras trasladar o Sergas ao facultativo que prestaba os seus servizos neste centro médico, os nacionalistas entenden que a atención sanitaria no Concello “segue colapsada despois dun verán inzado de recortes na sanidade pública”. Por este motivo convocan unha concentración que terá lugar este venres ás 20:30 horas diante do consultorio de Soutomaior.

Anuncian que esta protesta será a primeira dunha “rolda de mobilizacións en defensa da sanidade pública” co obxecto de denunciar o que cualifican de “colapso absoluto na atención sanitaria do concello”. Unha situación que explican “produciuse despois de que o PP non cubrise as baixas dos médicos de Arcade, deixando toda a atención do centro de saúde cun único substituto por catro horas. Situación que empeorou cando a consellaría de Sanidade decidiu pechar a atención sanitaria no consultorio de Soutomaior e desprazar a Arcade ao único facultativo desta parroquia”.
Entenden que estes movemento son “a antesala do peche do consultorio de Soutomaior” polo que defenden a mobilización para denunciar unha vez máis que “estamos con menos médicos dos que nos corresponden, cun pediatra que aparece e desaparece, sen persoal sanitario, e cunha baixas que non se cobren. Soutomaior está a sufrir unha discriminación vergoñenta e a proba é que concellos veciños con menos habitantes teñen máis médicos cá nos”.
Unha situación que mellorou nas últimas horas logo de que se reabrise o consultorio de Rmariz, pechado dende o pasado 27 de agosto, o que obrigaba aos veciños da parroquia de Soutomaior a acudir até Arcade para recibir atención sanitaria.
Ademais, o Sergas anunciou, segundo apuntan dende o concello, que incorporarán un novo facultativo substituto para cubrir as vacacións dos médicos titulares durante o mes de setembro, co que garante a normalidade no servizo sempre que non se produzan máis incidencias.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará