Hoxe é Mércores 28 de Outubro de 2020

De Vacas: música, humor, talento e atrevemento na praza da Casa da Torre

RR_Noticias

Paula Romero, Inés Salvado e Faia Díaz xunto ao guitarrista Guillermo Fernández son “De Vacas”, o grupo galego que triunfa nos escenarios e nas redes coas súas transformacións de éxitos como “A modiño”, “Rexurdimento”, ou “De noite e de día”. Mañá venres estarán en Redondela e prometen un concerto animado, divertido e fresco.

Non son un grupo de versións, xa que fan “unha transformación total dos temas”, com explica Paula Romero, “Morena”, desfanse do envoltorio comercial dos éxitos, modifican as letras e lévanas ao seu terreo. Fano con humor, frescura “e bastante morro”, recoñece, e cada tema “inspíralles cousas diferentes”. O “Malamente” de Rosalía convertiuse nun himno para o 8M, como unha homenaxe a Rosalía de Castro e ás mulleres co seu “Rexurdimente”. En temas de “reggaeton” con letras onde as mulleres son “obxectos seuxuais”, De Vacas dálle a volta para facer unha reivindicación feminista. Fan un pouco de todo, desde temas eurovisivos, ata éxitos das Spice Girls, Enrique Iglesias, Marta Sánchez ou Beyonce con pandeiretas. Pásano ben co que fan, cantan e rin, tanto nos ensaios como nos concertos, e iso nótase. No concerto, que será o espectáculo previo ao Entroido de Verán, animan ao público a levar adornos de flores na cabeza. A cita será mañá venres ás 22.00 horas na Praza da Casa da Torre dentro da programación cultural do Concello de Redondela.

Paula Romero "Morena"
Fan "unha transformación total dos temas" con humor frescura "e bastante morro".
Concerto en Redondela
Prometen un concerto moi animado divertido e fresco.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *