Hoxe é Luns 20 de Setembro de 2021
History
Stations
NOTHING FOUND!

Denunciado un veciño de Redondela acusado de maltratos a animais en Fornelos de Montes

RR_Noticias

A Garda Civil está a investigar un delito de maltratos a animais presuntamente cometido por un veciño de Redondela cometido en Fornelos de Montes. Segundo a denuncia, está acusado de disparar sobre unha gata doméstica cunha arma de caza e munición ilegal, nunha zona de vivendas.

O denunciado, J.C.C.M., veciño de Redondela, reside durante as vacacións e fins de semana nunha leira familiar en Fornelos de Montes, lugar onde se produciron os feitos. Tal e como recolle a denuncia, ao redor das 23.00 horas do pasado xoves, o denunciante, un veciño de Fornelos de Montes, atopou a súa mascota sangrando na porta da súa vivenda. Segundo o informe veterinario, a gata ingresou a primeira hora do venres en estado moi crítico, cunha ferida de bala na pata dianteira dereita e múltiples traumatismos causados pola metralla do proxectil. Por mor das feridas, a gata perdeu a mobilidade da pata. O proxectil empregado, un tipo de munición que fragmenta tras o impacto, provocou que parte da metralla penetrara no cranio do animal, polo aue perdeu un ollo.Os feitos foron postos en coñecemento da Garda Civil, que abriu dilixencias e solicitou testemuños entre os veciños. Algúns afirmaron estar presentes en varias ocasións nas que o denunciado disparaba sobre diferentes animais desde a súa casa, nunha zona residencial e rodeada de vivendas. O denunciante afirmoa que esta é a cuarta mascota á que dispara o denunciado, malia que nas anteriores ocasións non puido recuperar ao nin conseguira testemuñas. O denunciado xustificouse alegando que os animais entran na súa propiedade “polos coellos que el mesma cría en liberdade para adestrar aos seus cans”. Con todo, nega os feitos e afirma que os captura “e logo abandónaos en Ponte Caldelas”. Unha versión contraria aos testemuños recolleitos pola Garda Civil e que de confirmarse suporía a admisión doutro delito ao ser estes animais propiedade doutros veciños.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *