A asociación organiza esta actividade que se vai desenvolver os martes e xoves nos meses de xullo e agosto. Unha ludovermella que está orientada a nenos e nenas de 6 a 13 anos de idade en horario de 10:30 a 13:00 horas. As inscricións, de balde, deben realizarse na oficina da Cruz Vermella nos baixos da Casa da Cultura.
A Ludovermella pretende ofrecer aos participantes a posibilidade de aproveitar o seu tempo de ocio durante o verán dun xeito educativo e lúdico. Explican dende Cruz Vermella que este proxecto promoverá a interrelación de distintos grupos de idades fomentado a cooperación, a empatía, o compañeirismo e valores que axuden o desenvolvemento integral da súa persoa. Será impartido polo voluntariado que colabora coa entidade en Redondela e levarase a cabo na Alameda onde se desenvolverán actividades de ocio ao aire libre mentres que na propia sede na Cada da Cultura aprenderán a realizar diferentes manualidades.
