Hoxe é Mércores 2 de Decembro de 2020

Charla sobre diversidade sexual para conmemorar o día do orgullo LGTBI en Soutomaior

RR_Noticias

A presidenta da Asociación Arelas, Cristina Palacios e as escritoras Eva Mejuto e Iria Misa serán as encargadas de desenvolver esta charla coloquio que vai ter lugar este venres ás 18:00 horas na Biblioteca de Arcade. Unha actividade do Concello de Soutomaior baixo o lema “Fagamos orgullo” co gallo da próxima conmemoración do día internacional do orgullo LGTBI.

Unha proposta que serve tamén para recuperar a programación na Biblioteca Municipal, logo de que espazo fora reformado co obxecto de instalar un novo ascensor para facilitar o acceso aos veciños con mobilidade reducida.
A edil de igualdade, Cristina González, destacou que esta actividade é o primeiro paso dun os seus maiores obxectivos para este mandato “potenciar a perspectiva de xénero e os valores de respecto e non discriminación en todas as actividades municipais”.
A charla será dirixida pola presidenta da Asociación Arelas, Cristina Palacios, e contará coa participación das escritoras Eva Mejuto e Iria Misa, que presentarán os seus últimos libros. A novela “22 segundos” e a obra finalista do Premio Agustín Fernández Paz de narrativa infantil pola igualdade, “Mamá, quero ser ZiggyStardust”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *