Hoxe é Sábado 5 de Decembro de 2020

A Radio Municipal organiza un debate electoral cos candidatos á alcaldía de Redondela

RR_Noticias

Os candidatos á alcaldía de Redondela confrontarán as súas propostas electorais nun debate organizado por Radio Redondela que se celebrará o luns día 20 ás 20:00 horas no multiúsos da Xunqueira. Están convocados a participar representantes das seis agrupacións políticas que se presentan este ano ás eleccións municipais: PP, PSOE, AER, BNG, Unidas Podemos e Ciudadanos.

Confirmaron a súa asistencia Javier Bas polo Partido Popular, Digna Rivas polo Partido Socialista, Xoan Carlos González do Bloque Nacionalista Galego, Susana Couñago cabeza de lista da Agrupación de Electores, así como o candidato de Unidas Podemos, Enrique Fojo e Paqui Canal, en representación de Ciudadanos.
O debate retransmitirase en directo pola emisora municipal (94.9) e está aberto a todo o público que queira participar. Poderase seguir tamén a través da páxina web www.radioredondela.com. Moderará o debate a directora da Radio Municipal, Mª Jesús Queimaliños.
Por primeira vez, os seis candidatos e candidatas á alcaldía de Redondela terán a posibilidade de confrontar os seus programas electorais e as medidas mías salientables que propoñen de cara aos vindeiros catro anos de mandato.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *