Hoxe é Domingo 29 de Novembro de 2020

Os grupos Tandub e Cubo metálico na final do concurso de maquetas Millo Verde

RR_Noticias

A Feira do Gando de Redondela acolle este sábado o concerto no que se elixirá ao gañador do XII concurso de maquetas Millo Verde. Os dous finalistas desta edición son os grupos Tandub chegado de Ourense e os pontevedreses de Cubo metálico. O público asistente a este concerto será o encargado, cos seus votos, de elixir ao gañador desta edición que se fará así cos 500 euros do premio e a posibilidade de actuar no festival Millo Verde que se celebrará na praia de Cesantes do 3 ao 8 de xuño.

A música fusión do grupo ourensán Tandub e o rock alternativo con influencias de hip-hop de Cubo Metálico chega a esta final logo de que as súas maquetas foran elixidas de entre as 35 presentadas nesta edición “na que houbo propostas para todos os gustos” e da que os organizadores destacan por ser unha das edicións máis eclécticas, con estilos que ata o de agora non estiveran presentes. O Concerto deste sábado arrancará ás 20:30 horas e, ademais da actuacións dos dous grupos finalistas, contará con tres grupos convidados: Globerskers, Retroblues e Electrosock. A entrada ao concerto custa 3 euros e da dereito a unha consumición así como a emitir un voto por algún dos finalistas desta edición. Haberá ademais comida e bebida servida polo local Vila Bella. Un concurso que supón o pistoletazo de saída para un festival que volverá celebrarse na Praia de Cesantes na primeira semana de xuño  

Tito e Kinho Acuña Millo Verde
Fálannos dos grupos finalistas
Festa concerto
Na feira do gando o sábado ás 20:00 horas
Festival Millo Verde
Un festival practicamente pechado

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *