Hoxe é Domingo 17 de Outubro de 2021
History
Stations
NOTHING FOUND!

Un convenio coa Xunta permite a humanización do núcleo da Pantalla, en Cesantes

RR_Noticias

O núcleo da Pantalla, en Cesantes, vaise transformar nos próximos meses grazas a un convenio de colaboración entre o Concello de Redondela e a consellería de Medio Ambiente. Os traballos consistirán na instalación de beirarrúas, zonas de aparcadoiro, novo asfaltado e canalizacións, e contan cun orzamento de 191.000 euros.

A conselleira de Medio Ambiente, Ángeles Vázquez, visitou esta mañá o Concello de Redondela para asinar o convenio de colaboración co alcalde, Javier Bas. O proxecto encádrase dentro do Plan Hurbe, unha inciativa que busca mellorar a calidade de vida dos veciños para facer vilas “máis accesibles e habitables”. Bas Corujeira lembrou que se trata dunha demanda dos veciños desde hai anos, e amosouse satisfeito de que agora poidan contar co orzamento para facelo realidade. Varios veciños do núcleo da Pantalla asistiron no salón de plenos do Concello á firma do convenio. Agardan que despois de anos de espera as obras se fagan “canto antes” e que queden “ben feitas”, como explica Teresa, a quen o que máis lle preocupa e a mala conservación do asfaltado. Emilio explica que ata o de agora as fochancas “remendábanse”, e confía en que agora a estrada quede “en boas condicións”. Os traballos serán financiados nun 70% pola Xunta de Galicia, e o 30% restante con fondo municipais. A previsión é que as obras comecen “en breve” en que estean rematadas ao final do verán.

Javier Bas alcalde
Un convenio financiado 70/30 entre concello e xunta
Ángeles Vázquez conselleira
A obras ascende a 191.000 euros
Teresa veciña
O asfaltado é o máis importante
Emilio veciño
Unha zona chea de fochancas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *