Hoxe é Mércores 2 de Decembro de 2020

Chapela rende homenaxe a “Soto” cun emotivo acto no pavillón da parroquia

RR_Noticias

O Pavillón de Chapela acolle este sábado un acto no que se procederá a cambiar o nome deste centro deportivo que pasará a chamarse Pavillón Municipal “Manuel González Soto”. No transcurso do acto, que arrancará ás 17:00 horas, proxectarase un documental sobre a traxectoria do que fora xogador, adestrador, directivo e presidente do club de Balonmán Chapela durante os últimos vinte anos.

En novembro do ano pasado o Concello aprobou en pleno o cambio de nome para o pavillón co obxectivo de recoñecer a gran labor de Soto con balonmán e o deporte en Chapela, que foi a súa casa dende que tiña 17 anos e onde estivo exercendo todas as facetas posibles para un apaixonado por este deporte. Foi xogador, adestrador, directivo e presidente ao longo de dúas décadas.
O seu prematuro falecemento, a mediados do pasado mes de xaneiro con tan só 69 anos de idade, converte este acto institucional nunha nova homenaxe a un home que “o foi todo no balonmán”.
O acto arrancará ás 17:00 horas no propio pavillón no que se proxectará un vídeo no que aparecerán persoas que compartiron a súa vida e procederase a descubrir a placa na que aparece o seu nome. Dende o club convida a xogadores, socios, pais e nais a acudir coa camiseta vermella e verde ou coa roupa deportiva do club.
A continuación xogarán ás 18:30 o equipo da División de Honra prata que xogan o seu último encontro na casa ante o Balonmán Tejina e, ás 20:30 será a quenda para o equipo da Primeira nacional masculina que se enfrontarán co Balonmán Xiria.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *