Hoxe é Sábado 31 de Outubro de 2020

Sanidade pública: bos profesionais pero poucos medios

RR_Noticias

A Coordinadora Galega de Atención Primaria decidiu manter a folga convocada para os próximos días 9, 10 e 11 de abril para demandar do Sergas máis orzamento e máis persoal. Os usuarios dos centros de saúde de Redondela e Chapela entenden a decisión dos facultativos, e denuncian a falta de médicos, xa que non se están a cubrir nin as baixas nin as vacacións dos facultativos.

Os ambulatorios do municipio levan semanas secundando os paros de 5 minutos que a plataforma está a celebrar en toda Galicia, e os xefes de servizo de Redondela e Chapela (a doutora Ana Tapias e o pediatra Juan Manuel Sánchez) ratificaron a súa dimisión. Coa folga convocada para o próximo mes queren esixir ao Servizo Galego de Saúde unha xerencia de Atención Primaria en igualdade de condicións que a Atención Hospitalaria. Tamén un aumento no orzamento do 25% e incremento de persoal. Tamén contratos “estables e dignos” para unha prestación asistencial de calidade. Os veciños de Redondela comparten as reivindicacións dos facultativos, que ven “xustas”. Juan Carlos, que é usuarios do centro de saúde de Redondela, entende que fan falta máis persoal, que unha consulta de 4 minutos “non é suficiente para dar unha atención de calidade aos pacientes”, e denuncia que os recortes están a causar un grave dano á sanidade pública. A situación no Centro de Saúde de Chapela é similar. Carla tamén demanda “máis médicos e enfermeiras”, xa que non se substitúe ao persoal sanitario cando están de baixa ou de vacacións. A situación de precariedade dáse tanto na Atención Primaria como na hospitalaria. Marina, veciña de Reboreda, lamenta as longas esperas de meses para a consulta cun especialista. Afirma que a “precariedade laboral” á que se ven sometidos os profesionais a nivel estatal, lévaos a marchar fóra de España, e agora “non hai médicos”. Segundo os veciños, o deterioro da sanidade pública “é notable” nos últimos anos debido aos sucesivos “recortes” desde o comezo da crise. Unha situación que tamén se da na educación “e noutros servizos públicos”, e lamentan que malia a recuperación económica a situación “non mellora”. Un deteriorio que está a beneficiar á sanidade privada, segundo Juan Carlos, xa que ante as longas listas de espera “moita xente opta por acudir á consulta dun médico privado”. Entre as iniciativas que baralla agora a Coordinadora Galega de Atención Primaria está a de recoller firmas para solicitar a dimisión dos xefes de servizos doutras áreas ou levar a cabo outros actos de protesta.

Juan Carlos usuario do centro de saúde de Redondela
Os veciños de Redondela comparten as reivindicacións dos facultativos que ven "xustas".
Carla usuaria Centro de Saúde de Chapela
Carla tamén demanda "máis médicos e enfermeiras".
Marina veciña de Reboreda.
Lamenta as longas esperas pola falta de médicos. Sinala que a precariedade laboral lévaos fóra de España.
Deterioro dos servizos públicos
O deterioro nos servizos públicos "é notable" nos últimos anos debido aos sucesivos "recortes".

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *