Hoxe é Sábado 5 de Decembro de 2020

Redondela súmase á Asociación pola Lingua Galega entre críticas á política lingüística da Xunta

RR_Noticias

Todos os grupos político presentes na corporación apoiaron a proposta do goberno local para a adhesión de Redondela a esta Asociación de Entidades locais pola lingua galega, un colectivo formado por varios concellos, como o de Pontevedra, Ourense ou Ames, que traballará por desenvolver iniciativas, actividades e materiais para fomentar o galego. Malia o acordo unánime, o debate da proposta deixou duras críticas cara a política que a Xunta está a desenvolver en torno ao idioma galego con cada vez menos falantes entre a poboación.

O BNG arrancaba o debate acusando a Xunta de poñer en marcha políticas contra o idioma galego a través do chamado decreto do plurilingüísmo que, segundo dixo, fixo caer o número de galegofalantes ata cifras preocupantes. Tamén dende AER criticaban que cada vez sexan menos os nenos que usan o galego ao non estar en igualdade de condicións o idioma “por exemplo nas escolas” e aplaudían iniciativas como esta que permiten avanzar no proceso de normalización lingüística “unha cuestión de relevancia en Redondela”. O socialista Isaac Araujo salientaba a política a favor do idioma desenvolvida no noso concello cando o PSOE presidía a alcaldía e facía unha pregunta directa ao PP “de verdade non cree que o uso do idioma retrocedeu nos últimos tempos”. Dende o PP Carmen Amoedo aseguraba que dende a Xunta sempre se realizou unha política en positivo co idioma para engadir que “Alberto Núñez Feijoo é un exemplo de galeguista e de defensor do galego”. Concluía a súa intervención insistindo en que “galego e castelán teñen que convivir e non podemos apoiar as políticas que se van aos extremos, tampouco en cuestións idiomáticas”.  

Xoán Carlos González BNG
Critca as políticas da Xunta e do PP en canto ao idioma
Xosé Covelo AER
Unha cuestión de relevancia en Redondela
Isaac Araujo PSOE
Salienta o traballo feito dende os gobernos previos ao PP en Redondela neste eido
Carmen Amoedo PP
Feijoo é un exemplo de galeguista

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *