Hoxe é Martes 1 de Decembro de 2020

Julio Prado: “O único xeito de subsistir no remo é apostar pola canteira”

RR_Noticias

O presidente do C.R. Chapela amósase optimista cos resultados do club para a liguilla de bateis que acaba de comezar. Buscan clasificarse para o Campionato Galego co maior número de barcos posible. No arranque da temporada, logo de tres regatas disputadas, o remo de Chapela suma un total de oito medallas. O sábado, día 2, participarán na regata da S.D. Tirán e o domingo organizan o XIV Memorial Paco Fenosa de traiñeiras.

A liga de bateis abre a temporada do remo galego, probas onde os máis pequenos do deporte son os protagonistas. O C.R. Chapela é un dos clubs da provincia que destaca pola calidade da súa canteira, tanto nas categorías masculinas como femininas. O presidente do club, Julio Prado está convencido de que a aposta pola base é “o único xeito” de subsistir nun deporte “moi castigado pola crise”. Por iso o club leva anos traballando intensamente coas categorías inferiores. Comezan a preparación en xullo, coa escola de verán. Cada ano incorpóranse máis nenos e nenas que logo pasan a formar parte da canteira do club. De cara á temporada de bateis o obxectivo é clasificarse co maior número de barcos posible para o Campionato Galego, que se disputa o 13 e 14 de abril, e logo tentalo tamén para a proba estatal. Polo de agora están a destacar nas categorías cadete masculina e feminina, e tamén nas alevín e infantil masculina. O éxito do traballo coa canteira é evidente, tanto nas categorías masculinas como femininas, e de feito o número de fichas no club está repartido “case nun 50% entre homes e mulleres”. Para Prado a aposta do C.R. Chapela polo remo feminino é algo “irrenunciable”, que valora non só a nivel deportivo senón tamén “social”. O próximo sábado, día 2, a liguilla de bateis continúa coa cita organizada pola S.D. Tirán no peirao de Mosqueira, a partir das 16.00 horas. Memorial Paco Fenosa O domingo será a quenda das traiñeiras, coa celebración do XIV Memorial Paco Fenosa de Chapela a partira das 12.00 horas, con regatas nas categorías veterano, junior e sénior tanto masculinas como femininas. Unha cita que preparan con moita ilusión desde o club e na que agardan contar coa maior parte das traíñas de toda Galicia, malia que este ano coincide coas celebracións do Entroido. Prado apunta que será unha boa oportunidade para ir medidndo o nivel das embarcacións desta temporada. O C.R. Chapela tamén organiza dentro da liga de bateis unha regata que se disputará o 31 de marzo, coincidindo coa Bandeira do Porvir.

Julio Prado presidente do club
Prado está convencido de que a aposta pola base é o único xeito de subsistir nun deporte moi castigado pola crise.
Obxectivo dos bateis
De cara á temporada de bateis o obxectivo é clasificarse co maior número de barcos posible para o Campionato Galego.
Aposta polo remo feminino
A aposta do C.R. Chapela polo remo feminino é algo "irrenunciable" que valora non só a nivel deportivo senón tamén "social"
Memorial Paco Fenosa
Unha cita que preparan con moita ilusión desde o club e na que agardan contar coa maior parte das traíñas de toda Galicia.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *