Hoxe é Mércores 28 de Outubro de 2020

As perruquerías promoven o coñecemento das parroquias

RR_Noticias

A campaña “A beleza das letras” dá o salto dos locais de hostalaría ás perruquerías da vila. Un total de oito establecementos súmanse a esta iniciativa do Servizo de Normalización Lingüística e a Asociación de empresarios que busca dar a coñecer as parroquias redondelás e fomentar unha lectura que busca tamén rachar estereotipos e irromper en espazos nos que non adoitan estar presentes.

Unha campaña que arrancaba meses atrás en oito cafés do municipio co obxecto de divulgar os tres libros ata o de agora publicados en torno a Cesantes, Ventosela e Trasmañó. Textos breve redactados por veciños desas parroquias, Lola Míguez, Olga Nogueira e Xurxo Constela pero que serven para poñer en valor estes territorios e dar a coñecer o seu patrimonio e a súa riqueza material e inmaterial. Dende o Concello e a Asociación de empresarios dáse un paso máis trasladando agora a iniciativa tamén ás perruquerías. “É unha oportunidade para rachar estereotipos e ofrecer aos clientes destes centros de beleza e perruquerías unha lectura que non adoitan atopar pero que resultará de interese e espertará a curiosidade por coñecer o noso territorio”. Dende Normalización Lingüística adiantan que en cuestión de meses sairán xa os novos libros dedicados a Chapela, Negros e Reboreda que confían esperten o mesmo interese que os seus predecesores dos que se esgotaron os 1500 exemplares editados.  

Xurxo Martínez Normalización Linguïstica
Libros para promover o coñecemento das parroquias
Julia Alonso Asociación empresarios
Rachar estereotipos
Angela Antón Concelleira
Unha iniciativa diferente

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *