Hoxe é Mércores 21 de Outubro de 2020

Rivas salienta o traballo dos colectivos e critica o “desinterese” do goberno local no eido cultural

RR_Noticias

A candidata socialista  á alcaldía, Digna Rivas, demanda unha política cultural “estable, planificada e seria” que garanta o labor que están a desenvolver os diferentes colectivos e asociacións da vila á hora de organizar festivais e actividades culturais. Defende a figura do “axente cultural” encargado da planificación cultural do concello e que traballe conxuntamente con colectivos e asociacións.

Digna Rivas reuniuse, nas últimas datas, coa asociación “Xente Titiriteira”, organizadores do Festival Internacional de Títeres de Redondela, reunión que forma parte das que a candidata socialista está a manter con asociacións e colectivos vinculados ao eido cultural. Digna Rivas subliñou o traballo que realiza este colectivo  que foi quen de facer que o Festival Internacional de Títeres de Redondela sexa un referente non só en Galicia e no resto do Estado, senón a nivel internacional”.
A candidata asegurou que, como todos os festivais e actos culturais que se celebran en Redondela, “medran e acadan importancia polo traballo das asociacións e colectivos que os promoven” e lamentou “o escaso apoio que reciben do Concello que, se ben subscribe convenios e promete o seu apoio, logo atrasa os pagos das subvencións sen ter en conta que os organizadores teñen que facer fronte a numerosos gastos”.
Rivas lamentou “o absoluto desinterese” que amosa o Goberno de Javier Bas pola Cultura, como o demostra, sinalou, “que no que vai de mandato xa pasaron pola Concellería de Cultura, catro concelleiros e concelleiras” o que se traduce nunha política cultural “de continua improvisación e carencia de contidos” que da como resultado a desaparición de festivais como Redondela en Curto “toda unha referencia internacional no mundo audiovisual”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *