Hoxe é Luns 26 de Outubro de 2020

Mostra de unión contra a peaxe

RR_Noticias

Os afectados inician a campaña de recollida de sinaturas que se verá apoiada con puntos de recollida nos edificios públicos así como stands na feira do día 21 de xaneiro e 6 de febreiro. Os comerciantes sumaranse á petición colocando carteis nos seus escaparates co lema “Basta peaXe Rande” e estase a organizar unha manifestación moteira para que se elimine esta “peaxe inxusta”. Concello e afectados estudan unha gran mobilización que se celebraría nos días previos a reunión da comisión mixta da Xunta e Fomento en Madrid na que teñen previsto estar presentes.

Arrancaba esta tarde a recollida de sinaturas baixo o lema “Basta peaXe Rande” e fíxoo cunha xuntanza no multiúsos da Xunqueira que quixo ser unha mostra de unión e forza dos colectivos afectados. Así, convocados polo alcalde, Javier Bas asistiron a esta asemblea representantes políticos dos distintos partidos da corporación, membros da Asociación de veciños de Chapela, Trasmañó e Cedeira, afectados pola AP-9 e o presidente da Asociación de Empresarios. Con todo, neste ocasión tamén houbo representación doutros municipios que se suman así a esta loita contra a peaxe da autoestrada en Rande. Asistiu o alcalde de Pazos de Borbén, Andrés iglesias, representantes do concello de Soutomaior e o presidente da Asociación de veciños de Teis. Precisamente involucrar aos municipios limítrofes era un dos obxectivos marcados nesta nova fase da loita contra a peaxe, atendendo a que non só os veciños de Redondela se ven afectados ao ter que pagar por ese tramo de autoestrada “o máis caro de toda España por quilómetro”. Na súa intervención o alcalde fixo fincapé na necesidade de traballar conxuntamente e con intensidade nas próximas semanas de cara a lograr o maior número de sinaturas contra a peaxe. Con ese obxectivo haberá follas par asinar nos edificios municipais (concello, Multiúsos, rexistros, pavillóns…) e colocaranse stands de recollida de firmas na feira tanto do 21 de xaneiro como do 6 de febreiro. Pediu tamén a colaboración dos comercios para que coloquen nos seus escaparates e establecementos un cartel coa lenda que identifica esta campaña “basta peaXe xa”, unha proposta que partiu da propia asociación de empresarios. Outras propostas que se barallan é unha manifestación moteira e unha gran mobilización cuxa data está aínda por determinar, pero que se celebraría nos días previos á reunión que alcalde e colectivos sociais van ter en Madrid na comisión mixta da Xunta e Fomento.    

Javier Bas alcalde
Salienta a unidade existente independentemente da cor política no tema da peaxe
Unión concellos limítrofes
Colaboración na recollida de sinaturas
Recollida de sinaturas
Realizaranse en diferentes puntos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *