Hoxe é Xoves 22 de Outubro de 2020

Un rocódromo e un novo circuíto para bicicletas completarán a área recreativa do peirao de Arcade

RR_Noticias

Os traballos, que arrancarán nas vindeiras semanas, contan cun orzamento de 31.252 euros que serán financiados exclusivamente polo Concello. O obxectivo é incrementar o atractivo que o Peirao de Arcade xa esperta entre os máis novos.

O Concello de Soutomaior acaba de anunciar o seu proxecto de mellora da área recreativa do Peirao de Arcade. Os traballos comezarán nas próximas semanas e centraranse na reforma da actual pista de bicicletas, que contará cun novo circuíto de educación viaria, e a instalación dun rocódromo infantil. Ambas as actuacións suman un investimento de máis de 31.000 euros.
Para a instalación do novo circuíto de educación viaria procederase ao nivelado da actual pista de bicicletas para igualalo co bordo instalado actualmente e mellorar as condicións de seguridade e accesibilidade do circuíto. A continuación, acondicionarase a nova superficie e instalaranse as marcas viarias coas que os mozos ciclistas poderán aprender normas viarias de forma lúdica.
Do mesmo xeito, o novo rocódromo infantil contará cun pavimento flexible de 4cm adaptado á normativa de seguridade en parques infantís sobre o que se asentarán os dous novos elementos de escalada, que contarán con varias rutas de ascenso e diferentes niveis de dificultade para adaptarse ás capacidades de cada neno.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *