Hoxe é Mércores 25 de Novembro de 2020

O PSOE denuncia o atraso nas exencións fiscais para as familias con menos recursos

RR_Noticias

A concelleira Digna Rivas advirte que, malia a promesa de Javier Bas antes das eleccións de 2015, o departamento de Servizos Sociais “foi incapaz” de levar a cabo a modificación das ordenanzas fiscais reguladoras da taxa por recollida de lixo, auga, gas e electricidade “que suporía unha diminución considerable da carga impositiva para as familias con menos recursos”.

Segundo denuncia a candidata socialista á alcaldía, “a falta de xestión” da concelleira de Servizos Sociais impide que, dende o 1 de decembro, “os veciños poidan beneficiarse de melloras nas exencións fiscais”. Rivas sinala “a falta de sensibilidade e desinterese” do goberno local e lamenta que a promesa de Bas “era só un intento de vender fume diante dun proceso electoral”. Explica que a última reunión da comisión de Servizos Sociais para tratar este tema celebrouse en abril de 2017, e desde entón o goberno local “foi incapaz de dar os pasos necesarios para levar adiante a modificación das taxas”. Esa falta de xestión, afirma a edil socialista, impide que as familiar poidan beneficiarse dunha exención de taxas “da que poderían estar gozando xa dende o día 1 deste mes de decembro”. Sinala Rivas que o pasado 26 de novembro convocárase unha xuntanza da Comisión de Servizos Sociais para levar este tema ao pleno do día 29 dese mes, “e unha hora antes a concelleira de Servizos Sociais suspendeu a comisión”. Para o grupo socialista “é unha “mágoa que o desinterese do goberno local prexudique aos veciños que máis precisan da eficacia municipal”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *