Hoxe é Xoves 26 de Novembro de 2020

Redondela, unha historia, dúas vilas

RR_Noticias

A sala Bronseval da Casa da Torre acolle a mostra “As dúas vilas”, que recolle a historia de Redondela. Unha interesante exposición na que o visitante poderá descubrir o pasado des municipio, cando Redondela non era unha vila senón dúas: Vilanova e Vilavella. Unha distinción que rematou no século XIX, cando as dúas vilas se uniron definitivamente co remate dos señoríos xurisdiccionais.

A mostra, organizada pola Concellería de Cultura, inaugurouse coa participación da concelleira, Teresa París, e o director de arte e documentación da mostra, Telmo Crespo Tojeiro, así como do alcalde, Javier Bas. A concelleira de Cultura salientou que se trata dun estudo “en profundidade” da orixe das dúas vilas de Redondela, e en definitiva, da historia deste municipio. Faise así un repaso pola historia do centro de Redondela desde a antiguedade ata os anos vinte antes dos aterramentos que cambiaron a fisionomía da vila. Telmo Crespo explicou que é moita a documentación histórica que recolle a historia das dúas vilas, malia que “non sempre é doado acceder a ela”. Para o director da exposición o máis importante é que os veciños coñezan que ata o século XIX, “o que hoxe coñecemos como Redondela, eran dúas vilas diferenciadas”. A exposición componse de paneis de coidado deseño nos que a información se ofrece a partir de fotografías pertencentes a arquivos públicos e privados, documentos antigos e textos. Nas imaxes pode apreciarse tamén a antiga muralla e os documentos recollen a importancia que xa na aquela altura tiñan Redondela e o Camiño de Santiago. O alcalde, Javier Bas, agradeceu o traballo de todos os que colaboraron para facer posible esta mostra, e salientou a importancia de “coñecer o pasado” e poñelo en valor. Nesta mesma liña avanzou tamén o proxecto para recuperar o Cemiterio dos Eidos. Na exposición “As dúas ilas” destaca unha imaxe do antigo viaduto en construción que se custodia no Museo de Pontevedra e outra de principios do século XX da Rúa Picota. Poderá visitarse ata o 8 de marzo de 2019 en horario de 13.00 a 21.30 horas.  

Teresa París concelleira de Cultura
A concelleira de Cultura salientou que se trata dun estudo "en profundidade" da orixe das dúas vilas de Redondela.
Telmo Crespo director de arte e documentación
Para o director da exposición o máis importante é que os veciños coñezan que Redondela eran dúas vilas diferenciadas.
Documentos e fotografías
Nas imaxes pode apreciarse tamén a antiga muralla e os documentos recollen a importancia que xa na aquela altura tiñan Redondela e o Camiño de Santiago.
Javier Bas alcalde
O alcalde salientou a importancia de "coñecer o pasado" e poñelo en valor eagradeceu o traballo de todos os que colaboraron para facer posible esta mostra.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *