Hoxe é Sábado 28 de Novembro de 2020

Renovación integral do saneamento e abastecemento de auga en varias rúas de Chapela

RR_Noticias

As obras, que están a realizarse desde hai uns días, inclúen a renovación da rede de abastecemento e tamén de saneamento con novas tubaxes e colectores. Os traballos afectan ás rúas Camiño Real de Angorén, José Fernández López, Manuel Rodríguez Casal, Laredo, Gonzalo Morant e Cubillón.

O alcalde, Javier Bas, e a concelleira de Vías e Obras, María José Barciela, visitaron as osbras que “marchan a bo ritmo” segundo o goberno local. Os traballos están a realizarse en varias rúas onde a rede se atopaba “en moi mal estado”. Con estas obras substituiranse as tubaxes de fibrocemento, válvulas, arquetas e acometidas. Tamén se renova a rede de saneamento mellorando toda a infraestrutura existente, incluíndo os pozos, a tubaxe e os colectores. Tamén se eliminará as conexións de fecais á rede de pluviais “instalando así as separativas en toda a área de actuación”. Actuarase tamén na rede de drenaxe, pozos de rexistro e gabias, xa que se trata dunha renovación “integral” de todos os servizos. A obra precisou da autorización de Adif, por estar afectada polas infraestruturas ferroviarias, e foi adxudicada por 151.000 euros. Ten un prazo de execución de dous meses.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *