Hoxe é Sábado 28 de Novembro de 2020

Recital poético multilingüe na Praza de Figueroa

RR_Noticias

O Obradoiro internacional de Tradución Poética “Con Barqueira e Remador” que estes dáis está a celebrar a súa VII edición na illa de San Simón, achega a Redondela unha actividade aberta a todo público, un recital multilingüe que contará coa participación de seis poetas internacionais acompañados da coordinadora do obradoiro Yolanda Castaño o vindeiro venres ás 20:00 horas na Praza de Figueroa.

Un ano máis seis poetas de seis países diferentes de todo o mundo, danse cita na Illa de San Simón para compartir os seus traballos poéticos a través dunha lingua franca, nesta ocasión por vez primeira o castelán, e traducir as súas obras ao galego.
Para facer partícipe ao público en xeral deste obradoiro e como actividade en paralelo este venres a partir das 20:00 horas na praza de Figueroa. Poderase escoitar aos autores participantes recitando no seu propio idioma:  Abdul Hadi Sadoun en árabe, Rosa Alice Branco en portugués, Xosé María Álvarez Cáccamo en galego, Miren Agur Meabe en euskera, Subhro Bandopadhyay en bengalí e Timo Berger en alemán. A continuación será Yolanda Castaño que recite os mesmo textos en galego.
Un acto gratuíto e aberto que servirá de peche para este obradoiro e no que os escritores contará tamén cunh convivencia cultural na Asociación Cultural de Cesantes.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *