Hoxe é Venres 30 de Outubro de 2020

Miguel García: “O obxectivo é manter ao C.D. Arcade na Primeira Galega, polo que tocará sufrir”

RR_Noticias

Despois de máis dunha década o equipo de Arcade regresa á primeira categoría autonómica, unha liga esixente na que destacan equipos como o Pontevedra B ou o Sporting Guardés. O presidente ten claro que a permanencia será difícil, pero confía no equipo e o corpo técnico para acadar o obxectivo.

García lembra que poucos apostaban polo equipo a pasada temporada, e sen embargo foron quen de facer unha gran campaña e conseguir o ascenso. Por iso é optimista cos resultados do equipo, que mantén ao corpo técnico e a boa aprte dos xogadores que conseguiron o salto de categoría. Na pasada xornada o equipo que adestra Juan Amoedo conseguía sumar o seu primeiro punto no difícil campo da Chanciña, cun empate ante o Campolameiro. Na próxima xornada, que será ante o Unión Dena, o Arcade tentará colleitar o seu primeiro triunfo da temporada. Será o domingo, ás 17.15 horas no campo do Salgueirón. No club confían en que o público os apoie “como ata o de agora” nos partidos que disputan na casa. O traballo da canteira, con moitos xogadores formados nas categorías inferiores do club, permítelles configurar un equipo senior con moitos futbolistas “da casa”, e dar continuidade á filosofía do C.D. Arcade. Para García o deporte base é “fundamental” e as categorías inferiores son unha aposta clara do club. Arcadia feminino O equipo feminino, o Arcadia E.F., estreouse con vitoria na Primeira Galega ao golear ao Deportivo Orzán por 0-4. O domingo xogarán no campo do Victoria CF “B” en terras coruñesas, que aínda non sumou logo de perder na primeira xornada no campo do Umia.

Presidente CD Arcade Miguel García
García é optimista de cara a esta tempada ainda que recoñece que terán que sufrir para manterse na categoría
Deporte base
O presidente do club recoñece que os equipos base son fundamentais para o club e unha aposta da entidade

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *