Hoxe é Martes 24 de Novembro de 2020

Afectados pola AP-9 sobre o polémico edificio de Chapela “perdemos un ben social para a parroquia”

RR_Noticias

A resolución da alcaldía que obriga aos propietarios do inmoble situado na rotonda de entrada á autoestrada a derrubar as partes ilegais do edificio é, para a asociación de afectados pola AP-9, o punto e final a súa proposta de que o edificio fora comprado polo Concello para destinalo a “dar servizo aos colectivos sociais”. Reiteran que a súa proposta, que contou co rexeitamento frontal da Asociación de Veciños de Chapela así como dos grupos políticos da oposición, ía redundar no beneficio de todos os veciños e lle ía saír practicamente gratis as arcas municipais porque “Zona Franca estaba disposta a pagar 1,2 millóns de euros por ocupar un andar do edificio”. Lamentan que os pasos dados supoñan “a perda dun regalo para todos os veciños”.

O informe da aparelladora municipal e a conseguinte resolución da alcaldía instando aos propietarios do edificio de Finca Puntela a derrubar aquelas partes ilegais e axustalo á licenza que lles fora concedida no 1992, supón un novo capítulo na historia do inmoble máis polémico do municipio. Logo de anos coas obras paralizadas a proposta da Asociación de Afectados pola AP-9 para que o Concello adquirira o inmoble co obxecto de dedicalo a “usos sociais” e a decisión do goberno local de levar o tema a pleno, fixo que o futuro deste edificio regresara á actualidade. Os grupos da oposición apoiaron que “non se comprase ningún edificio que non se axustara á legalidade urbanística” e, a proposta de AER, acordouse tamén que se retomasen os expedientes de infracción urbanística abertos a esta edificación”. Agora os propietarios teñen un prazo de tres meses para presentar un proxecto para adaptar o edificio a legalidade e demoler aquelas partes que non se axustan a licenza. Dende A Asociación de Afectados pola AP-9 César Domínguez lamenta que no seu día “a oposición e a Asociación de Veciños se opuxera a que este edificio pasara a mans do concello e redundara en beneficio de todos os colectivos sociais”. Entende que o edifico podía ter sido “un ben social para a parroquia” que lle tería saído practicamente gratis ao concello ao estar disposta Zona Franca a pagar 1,2 millóns de euros por ocupar un dos seus andares. Dende a Asociación solicitarán unha reunión co alcalde para recibir a información de primeira man.  

César Domínguez afectados AP-9
Reiteran que a oposición e a AVV impediron que o edificio revertese en beneficio dos veciños
Compromiso de Zona Franca
Estaba disposta a aportar 12 millóns de euros
Reunión co alcalde
Queren coñecer o informe de primeira man

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *