Hoxe é Mércores 21 de Outubro de 2020

Aída García e Ryan Wayne triunfan no II Triatlón de Redondela

RR_Noticias

Elevadas temperaturas que malia todo non desanimaron aos 150 deportistas que participaron na proba de triatlón celebrada na maña deste domingo en Redondela. Uns atletas que se enfrontaron a unha dura proba que lles obrigou a percorrer 750 metros a nado, 20 quilómetros en bicicleta e 5 quilómetros correndo. Na categoría masculina o mellor tempo foi para Ryan Wayne Waddington (1.00:37) que se fixo coa medalla de ouro. Aída García do triatlón Rías Baixas foi a vencedora na categoría feminina (1.12:16).

Unha competición que arrancou na praia de Cesantes, nas inmediacións do peirao, e que levou aos deportivas a enfrontarse ao mar, a subirse a bicicleta e a percorrer os últimos quilómetros da proba a pé, con esa carreira que remataba na meta ubicada no Campo da Feira.
Na proba masculina vitoria foi para Ryan Wayne Waddinton, moi regular en todo o percorrido que logrou o mellor tempo por encima de Nicolás Domínguez (Disa HPS Tríatlon) e Marcos Vidal (Natación Pabellón Ourense), en segundo e terceiro lugar respectivamente.
Na categoría feminina, o podio foi para Aída García (triatlón Rías Baixas) que logrou a vitoria cun tempo de 1.12:16, seguida de Maria Casaleiro e Andrea Iglesias.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *