Comeza a pretempada en Santa Mariña este mércores, ás 21 horas, con moitas caras novas. Equipo técnico e xogadores que tentarán superar os resultados da pasada campaña que deixaban ao conxunto local oitavo da categoría. O encargado de dirixir o equipo será Gonzalo Fernández, que debuta na Terceira División pero coñece ben o club. Xogou no club redondelán no pasado, dirixiuás categorías base e acompañou a Marcos Montes nas últimas tempadas. Un reto que encara con ilusión e apostando pola continuidade. Agora é a quenda de compactar un grupo cheo de novos nomes onde se combina a experiencia coa xuventude.
Logo das vacacións estivais, o Choco retoma o traballo en Santa Mariña este mércores co primeiro adestramento da pretempada. Unhas sesións que lle servirán tanto a xogadores como ao corpo técnico para coñecerse e deseñar o que será o Choco da próxima campaña. En torno aos vinte xogadores será dos que dispoña Gonzalo Fernández, novo adestrador do equipo, que estará acompañado por Óscar Pére, que dirixiu ao xuvenil, e Erik Penedo, que xa traballou o pasado ano co primeiro equipo. Fernández recoñece que se trata dunha liga moi competitiva con rivais fortes, que veñen de reforzar os seus equipos pero confía no traballo dos xogadores, entre os que atopamos oito caras novas. Combinación de xuventude e experiencia que serán a gran baza deste ano do equipo redondelán. Este mércores temos a primeira oportunidade de velos no terreo de xogo, no primeiro adestramento. En Santa María ás 21.00 horas.
Debut en Terceira División. Un reto importante ao que non teme dado o equipo que configuraron para a próxima tempada
"Gonza" aposta por continuar co estio marcado por Marcos Montes nas pasadas campañas ao que acompañou de preto
O Choco presenta oito caras novas. Unha aposta polos xogadores locais a xuventude e experiencia.
