Hoxe é Martes 28 de Setembro de 2021
History
Stations
NOTHING FOUND!

Comezan as obras de adaptación do CPI Padín Truiteiro aos alumnos de infantil

RR_Noticias

A partir de setembro este centro acollerá aos alumnos de educación infantil do edificio da Oliveira o que obrigou a adaptar as instalacións ademais de dotalas de maior seguridade. A primeira fase dos traballos céntranse na instalación de catro baños adaptados para os alumnos de infantil ademais da completa remodelación das aulas, que incluirán zonas recubertas de cortiza na área de xogos

O Concello de Soutomaior vén de iniciar os traballos de adaptación necesarios para que o CPI Padín Truiteiro poida acoller aos alumnos de educación infantil que o próximo curso chegarán procedentes do edificio da Oliveira. Ademais das actuacións que se farán nas aulas tamén se modificarán as varandas e elementos de seguridade do edificio retirando todo o material e mobiliario escolar do antigo edificio da Oliveira para a súa revisión e almacenamento ata o próximo curso. Tamén está prevista a instalación dunha nova zona de recollida para os familiares dos pequenos así como o pulido dos máis de 400 metros cadrados do patio exterior.
Unhas obras que son financiadas polo Concello de Soutomaior e foron froito da reunión mantida no mes e abril polo alcalde, Agustín Reguera, xunto ao director do centro, Modesto Campos, e o Xefe de Estudos, Francisco Obelleiro. Obras que continuarán durante as vacacións de Nadal coa renovación da cuberta do patio exterior.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *