Hoxe é Luns 20 de Setembro de 2021
History
Stations
NOTHING FOUND!

O castelo de Soutomaior estrea a sua musealización cunha gala chea de sorpresas

RR_Noticias

A Deputación de Pontevedra reabre hoxe oficialmente o castelo de Soutomaior cunha gala “repleta de música e moitas sorpresas”, segundo avanzou a presidenta provincial Carmela Silva. O evento, que terá lugar a partir das 19.00 horas nos xardíns da fortaleza, servirá para presentar publicamente o proxecto de musealización que acaba de finalizar e no que se investiron 700.000 euros.

A presidenta da Deputación mostrou a súa satisfacción pola “altísima” demanda que está a rexistrar o castelo tras o anuncio da súa reapertura. As xornadas de portas abertas, que arrancaron o domingo, continuarán os próximos días 20, 21, 22, 24 e 25, coa posibilidade de realizar un percorrido polo castelo a través de visitas libres e guiadas. Para participar nas visitas guiadas, que terán lugar ás 11.00 e 17.00 horas (a partir do día 21) será preciso realizar unha inscrición previa a través do correo electrónico castelodesoutomaior@depo.es, xa que as prazas están limitadas a 22 persoas por grupo.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *