Hoxe é Venres 27 de Novembro de 2020

Proxección do documental Por que non cantades todas na Casa da Cultura

RR_Noticias

A Asemblea feminista Paxaretas continúa coa programación do Marzo Muller e faino coa proxección da película “Por que non cantades todas” da directora redondelá Diana Toucedo. A proxección e posterior coloquio terá lugar na Casa da Cultura o venres ás 20:00 horas. A propia Toucedo estará presente na charla coloquio posterior de xeito virtual a través de skype.

Continua o Marzo Muller e faino cunha proposta de Paxaretas, unha sesión de cinefórum na que se proxectará a película da cineasta redondelá Diana Toucedo “Por que non cantades todas”. Un documental etnográfico que nos amosa a relación coa música dun grupo de mulleres do lugar de Zobra na serra do Candán. “A música como memoria, experiencia e convivencia. A música coma ponte entre dúas realidades, o pasado e o presente” reflexións que atopamos neste audiovisual gravado a finais de 2013 pola cooperativa Trespés e que saíu á luz no ano 2014. As distancias non serán un impedimento para que a directora manteña unha conversa cos asistentes, a súa presenza será virtual e ao rematar o visionado conectarse con Toucedo a través de Skype.  

Documental
Por que non cantades todas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *